Војската на САД соопшти дека утринава извршила воздушни напади на Кундуз, град на северот на Авганистан, каде талибанците вчера зазедоа голем дел од територијата.
Талибанските борци во координирани напади зазедоа повеќе од половина од Кундуз, стратешки важен град во Авганистан. Тие зазедоа неколку државни институции во градот, вклучувајќи ги болницата и зградата на судот, а подигнаа и знаме во центарот на градот.
Портпаролот на шефот на полицијата на покраината Кундуз, Сарвар Хусаини, рече дека авганистанските сили покренале операција на неколку фронтови за да се врати контролата врз градот.
