Авион на „Емиратс ерлајнс“, кој од Дубаи летал за Њујорк, го променил курсот откако во него е прогласена вонредна состојба. Иако требало да слета на аеродромот „Џон Ф. Кенеди“, пренасочен е во Манчестер, каде безбедно слетал.
Како што пишува британскиот весник „Мирор“, авионот ќе го продолжи летот кон САД во 16.30 часот, откако ќе наточи гориво.
Според информациите на интернет-страницата „Ерлајв“, вонредната состојба настанала поради медицински причини, што упатува на тоа дека некому за време на летот му се слошило.
Авионот „ербас А380“ е еден од најголемите патнички авиони во светот, во кој патниците се распределени на две нивоа. Вообичаената постава на патничкиот авион обично нуди околу 525 места за седење, со распоред на патнички класи. Во случај да нема поделба на економски класи, авионот може да прими повеќе од 850 патници.