Семејството Димовски од Скопје го добија 500. решение од проектот „Купи куќа, купи стан“. Министерот за финансии, Зоран Ставрески, им го додели решението на Димовски и напомена дека досега одобрени се 524 барања.
– По долги години под кирија, со проектот „Купи куќа, купи стан“ успеавме да дојдеме до сопствен стан. Ратата ќе ни биде приближно колку што плаќавме кирија и затоа сите што се под кирија нека се осмелат и нека го направат овој чекор за да дојдат на свое – истакна Маријан Димовски, новиот сопственик на стан.
