Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 636 и има околу 400 празни болнички кревети во ковид центрите, информираше Министерството за здравство.
Од хоспитализираните пациенти, 375 пациенти позитивни и суспектни на корона вирусот се лекуваат во ковид центрите во болниците низ земјава. Додека пак, во главниот град се лекуваат 261 пациенти по истиот основ.
По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 17 пациенти позитивни и суспектни на ковид-19. Во болницата во Штип се хоспитализирани 34 пациенти. На инфективното одделение во Тетово има 14 пациенти, во Велес се лекуваат 33 болни, а во Куманово 42 пациенти позитивни и суспектни на ковид-19. Во ковид центарот во Охрид има хоспитализирано 53 пациенти, во Прилеп 50, во ковид центарот во Гостивар 7, а во Струга 23 болни. Во болницата во Струмица хоспитализирани се 25 пациенти, во Кочани 4, во Кичево 8, Кавадарци 48, во Гевгелија 4 лица, а во Дебар 13 позитивни и суспектни на корона вирусот.
Во главниот град, во изминатите 24 часа во ковид центрите во Скопје се хоспитализирани 35 нови пациенти поради компликации од корона вирусот.
Во изминатите 24 часа дома се пуштени 19 оздравени пациенти.
