Агенцијата за бегалци на Обединетите нации (УНХЦР) очекува дека во Европа, преку Средоземно Море, оваа и следната година ќе пристигнат 1,4 милиони бегалци, што е значително повеќе од првобитните процени за 850.000 лица.
„УНХЦР подготвува план за доаѓање на околу 700.000 луѓе, кои во Европа во 2015 година бараат безбедност и меѓународна заштита“, стои во ревидираниот документ.
Во документот се наведува дека е можно е во 2016 година да пристигнат уште поголем број, но прогнозите се темелат на сличните податоци од 2015 година.