„ВМРО-ДПМНЕ најостро ја осудува агресијата која токму СДСМ ја прави врз Општина Центар и бескрупулозното узурпирање на општинската власт. СДСМ ја киднапира Општина Центар и ја користи само за свои партиски и политички цели. Добро е што застанаа зад Андреј Жерновски, за јавноста да види дека ова беззаконие и расипништво кое се практикува во Центар е заедничко на СДСМ и на ЛДП“, реагираат од ВМРО-ДПМНЕ на прес-конференцијата на претседателот на општинската организација на СДСМ во Центар, Саша Богдановиќ.
Од ВМРО-ДПМНЕ велат дека Општина Центар била најдобар пример за тоа како работи СДСМ.
Според владејачката партија, за две години Општина Центар станала синоним за неработење, немање проекти, непотизам, прескапа шминка за Боемска улица, партизација на администрацијата, нестручност и за непрофесионализам.
