„СДС уште еднаш докажа дека не го интересира ниту народот, ниту државата. За да дојде до власт, СДС не само што ја прифати тиранската платформа туку грубо ги прекрши Уставот, законот и деловникот за работа на Собранието на Република Македонија“, порача ВМРО-ДПМНЕ во редовното претпладневно соопштение за јавноста денеска.
„На 27 април СДС ја силуваше волјата на граѓаните и го оневозможи правото на дискусија на нивните демократски избраници и надвор од сите процедури се обиде да си избере спикер на тиранската платформа. Криминалецот Зоран Заев издаваше наредби за да се пука во Собранието на Република Македонија. Издаваше наредби да се пука во македонскиот народ, народ кој си ги брани државните и националните интереси. СДС ја погази демократијата со обидот нелегално да го прогласи Талат Џафери за претседател на Собранието на Република Македонија. СДС мора да одговара, бидејќи политичко насилство што го изврши резултираше и со физичко насилство“, порачува ВМРО-ДПМНЕ, нагласувајќи дека „тиранската платформа“ нема да помине.
