Владеjачката партија ВМРО-ДПМНЕ в недела, во салата „Борис Трајковски“, ќе организира трибина за актуелната политичка ситуација, објави „Дневник“, повикувајќи се на извори во Извршниот комитет на партијата.
На трибината главен говорник ќе биде премиерот Никола Груевски, а ќе се обратат и други членови на партијата.
Како што пишува весникот, граѓаните на трибината ќе можат да ги слушнат ставовите на партијата за актуелните случувања, но и да се запознаат со идните активности на партијата.
Извори од партијата пренесуваат дека членството на терен се мобилизира, се тврди дека пораки за учество на трибината се праќаат до административците, а, наводно, некаде веќе се правеле и списоци.
Неофицијално, идејата на владејачката партија е преку собир на граѓани да испрати порака дека нема намера да ја напушти власта и да го прифати предлогот на СДСМ за оставка и за организирање избори со преодна влада.
