Меѓународната организација за миграција (ИОМ) денеска соопшти дека нејзината канцеларија во Рим добила повик за помош од меѓународните води во Средоземното Море. Од организацијата соопштија дека во неволја се три брода.
ИОМ наведе дека човекот кој ги повикал им соопштил дека на неговиот брод се наоѓаат 300 лица, дека има околу 20 мртви и оти бродот тоне.
Организацијата нема дополнителни детали, ниту информации за локацијата од која дошол повикот за помош.