Проектот на Агенцијата за интернационален развој на Соединетите Американски Држави (УСАИД) за микро и за мали претпријатија беше домаќин на тет-а-тет вмрежување меѓу компании од југозападниот, источниот и од североисточниот регион, Пелагонија, Полог и од Скопје.
На овие бизнис-средби, претставниците на компаниите имаа можност да се запознаат едни со други, да ги претстават своите производи и услуги и да разговараат за потенцијални бизнис-соработки.
– Вмрежувањето е многу важен сегмент во бизнисот. Денеска ќе сретнете претприемачи од други делови на земјата, ќе размените искуства и идеи, ќе сретнете потенцијални партнери. Релациите што ќе ги воспоставите, сега можеби ќе ги сметате за привремени, но нашето искуство покажува дека е голема можноста да се развијат во продуктивни, долготрајни бизнис-релации – изјави менаџерката од канцеларијата на УСАИД за економски развој, Татјана Марковска.
Почнат од УСАИД во јули 2011 година, сега кофинансиран од Владата на Швајцарија, проектот за микро и за мали претпријатија, во вредност од 3.079.400. 000 долари е петгодишен проект за поддршка на микро и на мали бизниси преку тренинг, вмрежување, менторство, консалтинг, поддршка на извозот и пристап до инвестициски фонд.
