Турските власти денеска приведоа двајца странски државјани на аеродромот „Ататурк“ во Истанбул во врска со нападот во истанбулскиот ноќен клуб, извршен за време на новогодишната ноќ.
Двете лица се приведени на влезот на меѓународниот аеродром и се однесени во седиштето на полицијата во Истанбул, јави телевизијата „Доган“.
Одговорноста за нападот ја презеде Исламска држава, а осомничениот сè уште е во бегство.