Повеќе од 30 лица загинаа во експлозија на пазар во нигериското место Џимет, на североистокот на земјата.
Експлозивната направа била подметната под скутер на пазарот во државата Адамава, а детонирана е само неколку минути откако жена-самоубиец усмрти две лица на контролен пункт во градот Маидугури.
Засега никој не ја презеде одговорноста за нападите, но тие ги имаат обележјата на исламистичката група Боко харам, која веќе шест години води бунт во Нигерија, во обид да формира исламска држава.
