Најмалку 30 лица се повредени денеска кога приградски патнички воз удри во камион на северот на Иран, јавува иранската државна агенција ИРНА.
Несреќата се случила во близина на градот Бехшахер, кој е 350 километри оддалечен од Техеран. Повредените патници се хоспитализирани во Бехшахер, а во несреќата нема загинати.
Возачите во руралните делови на Иран често минуваат преку железнички премини, дури и на места каде нема соодветна сообраќајна сигнализација.
Во сообраќајни несреќи во Иран годишно гинат околу 17.000 лица.
Големиот број на жртви е резултат на непочитување на сообраќајните прописи, старите возила и на несоодветното давање брза помош.
