Во три бомбашки напади што се извршени денеска во градот Ал Кубах, источно од Бенгази, Либија, убиени се најмалку 25 лица, а 30 се повредени.
Бомбите експлодирале на една бензиска станица, во локална полициска станица и во куќата во која живее спикерот на либискиот Парламент, Агила Салех.
Во изјава за телевизијата „Ал Арабија“ Салех изјави дека нападите во градот, најверојатно, претствауваат одмазда на џихадистите од Исламска држава (ИД) за нападите што египетската авијација ги изврши врз позициите на оваа милитантна исламистичка група, во градот Дерна.