Стравувањата се дека во либискиот град Дерна загинале 20.000 лица во катастрофалните поплави во изминативе денови, јавува Би-би-си. Овој крајбрежен град е претворен во руина од надојдените води, со уништени згради и возила, додека бројот на исчезнати лица во морето од поплавите е огромен.
Најголема среќа во Дерна имале жителите од источните делови на градот, кои се наоѓаат на рид и кои успеале да се спасат од надојдените води. Ризикот од пукање на браните, кои ја предизвикаа поплавата во Дерна, постоел уште од 2011 година, но либиските власти не сториле ништо за да ги санираат објектите.
Обединетите нации (ОН) предупредуваат дека следната опасност за жителите е појавата на болести од загадената вода за пиење. Од ОН апелираат за помош од другите земји, која е неопходно да пристигне во Дерна. Досега во градот пристигнаа спасувачки екипи од Египет, Турција и Катар. Се стравува дека под урнатините на десетици згради има загинати лица.
Од македонскиот Црвен крст денеска упатија апел до граѓаните да се вклучат во обезбедувањето на неопходната помош преку донации за настраданите во поплавите во Либија.
Сите заинтересирани правни субјекти и граѓани можат да донираат парична помош на сметката на Фондот на солидарноста на Црвениот крст на РСМ: 300000001327966, даночен број: 4030984271620 АД Комерцијална банка со назнака: помош за настраданото население во Либија.
Алтернативно, македонските граѓани може да донираат 100 денари со повик на телефонските броеви 143 400 на Македонски Телеком и А1.
За донации на средства во странска валута, треба да се употребат следниве детали:
NAME OF THE ORGANIZATION: RED CROSS OF THE REPUBLIC OF NORTH MACEDONIAN
BANK NAME: KOMERCIJALNA BANKA AD SKOPJE
BANK ADDRESS: UL. ORCE NIKOLOV NO.3, 1000 SKOPJE, MACEDONIA
BANK ACCOUNT: 300000000000133 25730522-11
SWIFT CODE: KOBSMK2X
IBAN CODE: MK07300701000001228
