Повеќе од 5.300 луѓе загинаа по поплавите во либискиот град Дерна, пренесува Би-би-си.
Силните поплави пукнале две брани во источниот крајбрежен град и со земја срамниле домови. Улиците се покриени со кал, урнатини и превртени возила.
Меѓународната организација за миграција соопшти дека смртоносните поплави што ја погодија источна Либија раселиле повеќе од 30.000 луѓе. Агенцијата на ОН соопшти дека најмалку 30.000 од раселените се од градот Дерна, а уште илјадници од други области, вклучително и Бенгази.
Мртовечниците во Дерна се преполни, изјавил портпаролот на Службата за итни случаи во Либија.
Меѓународната федерација на Црвениот крст и Црвената полумесечина во средата објавија дека ситуацијата во Дерна е многу лоша и дека е потребна меѓународна поддршка.
