Сè повеќе граѓани се приклучуваат на спонтаниот протест пред Владата на Република Македонија. Насобраните велат дека се таму за да ги искажат револтот и згрозеноста од она што го чуле на снимките што денеска на прес-конфенреција ги презентираше Зоран Заев, лидетор на СДСМ.
Тие додаваат дека не се таму да бранат никого, туку дека биле шокирани од однесувањето на лицата што се на аудиоснимките и ги повикуваат и оние кои минуваат со автомобили да им се приклучат.
На заштитната ограда се закачени транспаренти на кои е испишано „убијци“, „садисти“ и „психопати“.
Блокирана е и едната лента од булеварот Илинден.