Електронската мајчина книшка од вчера ја воведе Министерството за здравство.
Податоците од книшката ќе може да ги користи матичниот гинеколог, но и сите гинеколози во породилиштата во Македонија, најави министерот за здравство, Никола Тодоров.
Во прво време, како што појасни министерот, електронската мајчина книшка ќе функционира заедно со хартиената, а подоцна ќе се оди само на електронската верзија, од која податоците се добиваат во реално време и се чуваат во централен сервер, со што шансите за нивно губење се мали.
