Македонскиот амбасадор во Атина, Дарко Ангелов, денеска се сретна со грчкиот заменик-министер за надворешни работи, Димитрис Мардас.
Средбата во грчкото министерство за надворешни работи се одвивала во пријатна пријателска атмосфера. Ангелов и Мардас разговарале за прашања од билатерален интерес. Разговорот се фокусирал на можноста за проширување и интензивирање на економските и на трговските врски меѓу двете земји, особено во делот на транспортот и на инфраструктурата.
Состанокот на Мардас и на Ангелов доаѓа во време кога во Грција се стравува од можноста за затворање на македонските граници за бранот бегалци што преку Грција одат кон ЕУ.