fbpx

Претстојните избори и евроинтеграциите во фокус на средбата Џафери – Агелер

Двајцата соговорници се согласиле дека процесот на преговори за членство во ЕУ ќе овозможи позитивна трансформација на демократските капацитети во земјата и засилување на реформските процеси во сферата на владеење на правото и борбата со корупцијата

-

Потребата од обезбедување континуитет и ефикасност во работата на Владата и државните институции, како и вложувањето на севкупни напори за подготовка и реализација на фер и демократски избори, биле дел од темите на средбата помеѓу техничкиот премиер Талат Џафери и амбасадорката на САД во земјава, Анџела Агелер.

Џафери ја истакнал посветеноста на Владата кон стратешкото партнерство на Северна Македонија со САД, нагласувајќи оти тој и од новата функција ќе продолжи да биде силен промотор на таа соработка.

Според истакнатото од Џафери на средбата, претседателските и парламентарните избори се клучни за иднината на земјата и ќе претставуваат потврда за правецот на нејзиното натамошно движење.

Двајцата соговорници се согласиле дека процесот на преговори за членство во ЕУ ќе овозможи позитивна трансформација на демократските капацитети во земјата и засилување на реформските процеси во сферата на владеење на правото и борбата со корупцијата.

Агелер на средбата му честитала на Џафери за неговиот избор како прв собраниски претседател и прв премиер – Албанец во Северна Македонија.

„Агелер потенцираше дека изборот на премиерот Џафери испраќа силна порака дека, како и во Соединетите Американски Држави, така и во Северна Македонија, диверзитетот и почитувањето на неговото богато културно наследство ја прават земјата уште посилна. Амбасадорката ја истакна силната поддршка на САД на патот на Северна Македонија кон Европската Унија и изрази подготвеност за натамошна блиска соработка со Владата на тој пат“, соопштија од владата.

Техничкиот премиер Џафери ја нагласил определбата на Владата за активно продолжување на процесите и реформите врзани за евроинтеграцијата на Северна Македонија, со цел отворање нови можности за поголем економски просперитет и демократски развој.

Тој ја известил амбасадорката и за предлог-законот за рестриктивни мерки за кој се прават дополнителни и сеопфатни консултации, по што е предвидено повторно разгледување на истиот на следната владина седница.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Град Скопје: Фирма без соодветни документи и дозвола монтира панорамско тркало пред „Борис Трајковски“

Фирма регистрирана пред само еден месец, без соодветни дозволи и документи кои гарантираат безбедност, монтира панорамско тркало и други реквизити во Општина Карпош пред арената „Борис Трајковски“, обвинува Град...