Prokuroria speciale ka prova të reja në rastin e transportit të nxënësve “Transporter” ku si i dyshuari i parë është kryetari i Komunës Manastir, Vladimir Taleski, deklarojnë nga prokuroria për “Meta”. Sipas informacioneve deri tek të cilat arritëm, PSP ka dërguar 30 kërkesa të reja për ekspertizën e dokumenteve në shkollat e Manastirit, Ministrinë e financave dhe transportuesit e dyshuar…
Manipulimi më i madh, sipas PSP-së, është bërë me tenderët e vitit 2009 dhe 2011. Sipas Ligjit për transport, ndalohet të përzihet transporti i komunës me atë të nxënësve.
Që paradoksi të jetë më i madh, ditën e njëjtë kur PSP informonte për rastin “Transporter”, ku u hap procedurë hetimore ndaj 22 personave, për shkak të dyshimit se kanë kryer veprën “shpërdorim të detyrës zyrtare”, dy nga kompanitë e dyshuara për kriminalitet kanë marrë dy linja të reja për shërbim në komunën Manastir.
Komuna Manastir ka vendosur “Xhem Turs” dhe “Bobi Turs” të jenë transportuesit që do ta mbajnë linjën e re me numër 3, që do të kaloj afër pjesës së qytetit që quhet “Parisi Vogël” si dhe pjesën e sipërme të Manastirit tek spitali “Plodnost”.
Shkruan:
Vlado Gjorçev
Ky hulumtim është mundësuar me mbështetjen e popullit amerikan përmes Agjencisë së SHBA-së për zhvillim ndërkombëtar (USAID) në suazat e Programit të USAID kundër korrupsionit. Përmbajtja e publikimit është përgjegjësi e autorit dhe nuk i përmban qëndrimet e USAID apo Qeverisë së SHBA-së.
