Putin: Me vëmendje ndjekim çdo gjë që ndodh në Maqedoni


Moskë, 24 Maj, 2017 - 16:21 (META) 

Me vëmendje të posaçme ndjekim çdo gjë që ndodh në vendin tuaj, i ka thënë presidenti rus Vladimir Putin presidentit të Maqedonisë Gjorge Ivanov në takimin e tyre në Moskë.

“Dëshirojmë situata brenda- politike në Maqedoni të zhvillohet sipas Kushtetutës dhe parimeve demokratike. Jam i bindur se përvoja juaj, ndikimi juaj dhe autoriteti do të kontribuojnë për këtë”, ka deklaruar Putin.

Presidenti rus ka shprehur kënaqësinë që raportet maqedonase- ruse avancohen dhe se ka lëvizje pozitive në shkëmbimin ekonomik.

Në fillim të takimit Putin ia ka uruar mirënjohjen presidentit Ivanov që dje e mori nga patriarku i Kishës Ortodokse Ruse, Kiril.


Xhaferi në takim me Bejl dhe Timonie: Hapi i ardhshëm është formimi i qeverisë së re


Shkup, 8 Maj, 2017 - 16:33 (META) 

Kryetari i Kuvendit, Talat Xhaferi sot është takuar me ambasadorin e SHBA-së në Maqedoni, Xhes Bejli dhe ambasadorin e Francës, Kristian Timonie, me të cilët ka biseduar për gjendjen aktuale politike në vend, ku ka marrë mbështetje nga të dy shtetet për realizimin e hapave të mëtutjeshëm gjatë procesit të formimit të institucioneve.

“Si hap të ardhshëm në vazhdën e hapave tjerë për të ardhmen e Maqedonisë, ambasadori Bejl theksoi formimin e qeverisë së re, pas çka kryetari Xhaferi ka njoftuar për hapat e ndërmarrë, duke nënvizuar se ai është i obliguar t’i zbatoj dhe të jep llogari për kompetencat e tij asi do t’i dorëzohet propozimi për përbërjen e qeverisë dhe programit për punë”, thuhet në njoftimin e kabinetit të Xhaferit.

Xhaferi dhe Bejli ka shprehur pritje se në periudhën e ardhshme tek të dyja palët do të zotëroj ndjenja e vetëdijes së lartë politike dhe përgjegjësia “lidhur me gjendjet e caktuara të imponuara apo provokuara, që të bien tensionet dhe në mënyrë të qetë të trasohet rruga për vendosjen e proceseve demokratike në vend”.

Në takimin me Timonie, Xhaferi ka thënë se vendi për debat dhe ballafaqimin e qëndrimeve dhe mendimeve politike është Parlamenti dhe se të gjitha qëndrimet e thëna nga përfaqësues të institucioneve të larta shtetërore nuk guxojnë të jenë pengesë për rrumbullakim të plotë të proceseve të filluara demokratike.

“Në këtë drejtim, procedura për zgjedhjen e qeverisë së re do të paraqet fillim të realizimit të kompetencave të kryetarit të ri të Kuvendit, në bazë të Kushtetutës, ligjeve dhe Rregullores së Kuvendit”, njoftojnë shërbimet parlamentare.

 


Ahmeti me Hojt Ji: Xhaferi është zgjedhur në mënyrë legjitime dhe ka mbështetjen e SHBA-së dhe BE-së


Shkup, 30 Prill, 2017 - 20:42 (META) 

Mbështetja e SHBA-së dhe BE-së për kryetarin e ri të Kuvendit, Talat Xhaferi, i cili u zgjodh në mënyrë legjitime, do të thotë se Trajko Veljanovski nuk është më kryesues i Kuvendit, ka thënë lideri i BDI-së, Ali Ahmeti, në deklaratën për mediat pas takimit me zv- ndihmës sekretarin shtetëror për Evropë dhe Euro Azi në departamentin e shtetit, Hojt Brajant Ji, i cili sot pasdite u mbajt në rezidencën e zv- ambasadorit.

“Pas gjithë asaj që ndodhi në Kuvend, është koha që të gjithë të vetëdijesohen se vendi po shkon në drejtim negativ dhe të pranohet realiteti i ri gjegjësisht kryetari i Kuvendit”, ka thënë Ahmeti, duke shtuar se emërimi i Talat Xhaferit është bërë në mënyrë legjitime.

Ahmeti më tej ka thënë se BDI është e vendosur që të vazhdojë me procesin e konstituimit të Qeverisë së re.

Për tërheqjen e ministrit të brendshëm Agim Nuhiu nga posti, për shkak të përgjegjësisë morale që e ndjen pas protestave të dhunshme në Kuvend, Ahmeti ka thënë se ministri ka mbështetjen e plotë të BDI-së, por edhe nga partitë tjera dhe nuk ka logjik të tërhiqet nga kjo, në kohë kur nuk ka organ i cili do ta pranonte dorëheqjen e tij.


Zhbogar dhe Vangelovski kanë biseduar për ngecjen në gjyqësor


Shkup, 25 Prill, 2017 - 19:08 (META) 

Euro- ambasadori Samuel Zhbogar sot ka zhvilluar takim me kryetarin e Gjykatës Supreme, Jovo Vangelovski në të cilin është biseduar për situatën në gjyqësorin e vendit.

Detaje nga takimi nuk ka, por Zhbogar në rrjetin social Twitter shkurtë deklaroi se: “Me kryetarin e Supremes biseduam se çfarë duhet të bëhet që të ndalohet ngecja në gjyqësor. Drejtësia duhet të jetë njësoj për të gjithë”.

Nga Supremja sot nuk kishte informacion zyrtar për takimin e as nuk kishte kumtesë në faqen zyrtare gjegjësisht në portalin e kësaj gjykate, ku kohëve të fundit shpallen të gjitha risitë dhe njoftimet e gjykatave në vend.


Ivanov dhe Tusk nesër në fokus do ta kenë krizën politike dhe emigrantët


Bruksel, 2 Prill, 2017 - 13:05 (META) 

“Në fokusin e bisedës mes presidentit të vendit, Ivanov dhe kryetarit të Këshillit Evropian, Donald Tusk do të jenë kërcënimi nga emigracioni ilegal me të cilën ballafaqohet Evropa dhe kriza politike në Maqedoni, pas zgjedhjeve të dhjetorit vitin e kaluar”, njoftojnë nga kabineti i presidentit i cili nesër do ta pret numrin një të KE-së, Donald Tusk i cili do të qëndrojë për vizitë në Maqedoni.

Sipas agjendës, në ora 13:55 pritet të arrijë Tusk në kabinetin e presidentit. Në ora 14, do të nis takimi “sy më sy” mes Ivanov dhe Tusk ndërsa 30 minuta më vonë është takimi plenar i dy delegacioneve.

Në ora 15 parashihet deklaratë për mediat nga presidenti Ivanov dhe Tusk ndërsa në ora 15 e 30 parashihet drekë pune, ku përveç Ivanovit dhe Tusk do të jenë prezent edhe anëtarët e delegacioneve.


Nisma “Për Maqedoni të përbashkët” kërkon takim me euro- komisarin Han


Shkup, 19 Mars, 2017 - 16:35 (META) 

Nga nisma “Për Maqedoni të përbashkët” kërkojnë takim me euro- komisarin për zgjerim Johanes Han, i cili të martën do të arrijë për vizitë në Maqedoni.

Këtë sot e deklaroi anëtari i nismës dhe drejtori i Operës dhe Baletit të Maqedonisë (OBM), Igor Durlovski i cili shtoi se askush “nuk guxon, nuk duhet dhe nuk mund t’i injoroj 200 mijë qytetarë që protestojnë për çdo ditë”.

“Kërkojmë z. Han të takohet me ne që të mund t’ia paraqesim synimet dhe kërkesat tona që janë fikse dhe të pandryshueshme. Injorimi i tyre dhe injorimi i kërkesave tona mund të krijoj vetëm rreziqe shtesë. Nëse BE është për respektimin e shoqërisë civile, atëherë duhet të tregojë se angazhimet deklarative nuk janë vetëm floskula, por duhet të merren vepra konkrete ndërsa si për fillim mund të pranojnë takim me ne. Injorimin nga Han do ta konsiderojmë si raport jo të sinqertë dhe çështje se BE nuk kanë synime të sinqerta ndaj nesh si Maqedoni”, tha Durlovski.

Deputeti i VMRO DPMNE-së, Aleksandar Nikoloski të premten deklaroi se partia e tij do të dorëzoj tre kërkesa pranë euro- komisarit, më saktë do të kërkoj nga Han të dënoj “Platformës e Tiranës”, të respektojë rregullin për koalicion “fituesi me fituesin” dhe t’i ketë parasysh protestat e nismës “Për Maqedoni të përbashkët”.


Pa liderin e Besës filloi takimi i partive shqiptare


Shkup, 18 Shkurt, 2017 - 16:06 (META) 

Liderët e partive shqiptare filluan takimin në hotelin “Arka” në Shkup. Në takim kanë marrë pjesë liderët e koalicionit Aleancë për shqiptarët, Zijadin Sela dhe lideri i BDI-së, Ali Ahmeti i cili arriti së bashku me Artan Grubin.

Lideri i Besës, Bilall Kasami nuk u paraqit në takim.

Nga Besa dje deklaruan se ai nuk ka pranuar ftesë zyrtare dhe disa herë deklaruan se nuk do të ulen në tavolinë të njëjtë me Ahmetin.

Pritet në takim partitë t’i shqyrtojnë të gjitha opsionet rreth mundësisë për formimin e qeverisë së re si dhe të bisedojnë për ofertën e liderit të LSDM-së, Zoran Zaev.

Zijanin Sela dje pasdite para se të fillojë Kryesia qendrore e Lëvizjes për Reforma në PDSH tha se për të janë të papranueshëm propozimet e LSDM-së për përdorimin e gjuhës shqipe, të cilat fliten në opinion.

Kryetari i LR-PDSH nuk deshi të zbulojë për çfarë propozime bëhet fjalë, duke shtuar se partia e tij ngel në qëndrimin për zyrtarizimin e plotë të shqipes.


BDI dhe Aleanca nuk tregojnë qëndrimin për propozimet e LSDM-së


Shkup, 14 Shkurt, 2017 - 23:49 (META) 

Takimi i nënkryetarëve të BDI-së dhe Aleancës për shqiptarët përfundoi, por asnjëri nga përfaqësuesit e dy partive politike nuk njoftoi detaje nga bisedat dyorëshe. Ata nuk zbuluan çfarë propozime përmban dokumenti i dërguar nga lideri i LSDM-së, Zoran Zaev e as nëse janë të pranueshme për ta.

Edhe nga BDI edhe nga Aleanca njoftuan se “kanë biseduar për platformën e përbashkët”.

“Takimi i sotëm është takim i grupeve të punës në frymën e platformës për bashkëpunimin e partive shqiptare. Haptazi folëm për ato pika që konsiderojmë se janë të rëndësishme dhe që e afrojnë Maqedoninë drejt BE- së dhe NATO-s”, tha Teuta Arifi.

Me qëndrim të ngjashëm doli edhe Arben Taravari, i cili shtoi se është shumë me rëndësi të zbatohen të gjitha pikat e platformës së përbashkët.

“Shqyrtuam të gjitha pikat e platformës së partive shqiptare. Për ne si Aleancë është e rëndësishme që të realizohen të gjitha pikat e platformës pa marrë parasysh kush do të jetë në kombinim për qeverinë e ardhshme. Për hapat e ardhshëm do të përgjigjen liderët tanë”, tha sekretari i LR- PDSH, Taravari.

Sot para takimit, nga BESA njoftuan se deri më tani s’kanë marrë kurrfarë ftesë për takim as nga BDI e as nga LSDM. Ata thanë se ende refuzojnë të ulen në tavolinë me BDI dhe se tashmë ia kanë ofruar nënshkrimet LSDM-së.


Han: Partitë të vazhdojnë me bisedimet dhe të tregojnë pjekuri demokratike


Shkup, 10 Shkurt, 2017 - 12:46 (META) 

Nevojitet kohë shtesë, por partitë duhet të demonstrojnë pjekuri demokratike, deklaroi sot euro- komisari Johanes Han në dorëzimin solemn të 31 automjeteve të terrenit, donacion nga BE për policinë kufitare ndërsa në kontekst të bisedimeve të djeshme me liderët e partive politike rreth çështjes së formimit të qeverisë së re.

“Partitë të vazhdojnë me bisedimet dhe të tregojnë pjekuri demokratike, duhet të ofrojnë program të mirë të bazuar në Marrëveshjen e Përzhinës dhe përkushtim në perspektivën evropiane. Dhe në kjo bëhet, jam i bindur në të ardhmen e vendit” deklaroi Han.

Në pyetjen nëse në bisedimet me të, partitë dje kanë treguar pjekuri demokratike, Han nuk u përgjigj, por tha se është optimist.

Euro- komisari në fjalimin solemn, iu referua takimit që sot në mëngjes e kishte me presidenti Gjorgje Ivanov.

Ai tha se e presidenti e ka lutur atë “BE të bëj diç më shumë për vendin e tij dhe të ketë më shumë ngjarje si kjo sot”.

“Unë e ftova Ivanovin që të vijë me mua në ngjarje që demonstron bashkëpunimin tonë dhe lidhjet e forta mes BE-së dhe vendit tuaj”, tha Han.

Presidenti Ivanov nuk ishte në mesin e pjesëmarrësve në solemnitetin e sotëm në MPB.


Gruevski vonohet 40 minuta në takimin me Hanin, nuk deshi të incizohet dhe prononcohet


Shkup, 9 Shkurt, 2017 - 23:54 (META) 

Lideri i VMRO DPMNE-së, Nikola Gruevski sonte nuk u prononcua për mediat pas takimit me euro- komisarin për zgjerim, Johanes Han, siç e bënë këtë paraprakisht liderët e tjerë politike pas takimeve me komisarin.

Sipas paralajmërimeve, për detajet e takimit të Gruevskit me Hanin dhe qëndrimin e partisë rreth situatës aktuale politike, VMRO DPMNE do të njoftoj për kumtesës.

Ndryshe, Gruevski në takimin me Hanin u vonua rreth 40 minuta ndërsa me kërkesë të tij kameramanëve nuk u lejua të marrin inserte nga takimi.

Komisari Han i cili sot ishte pjesë e takimit të gjashtë ministror të vendeve të Ballkanit Perëndimor, sot pasdite u takua me liderët e LSDM-së, Besës, Aleancës për shqiptarët, BDI-së dhe PDSH-së.