Do t’ia japim materialet BDI-së, bëjnë çmos që të mbaroj procesi i grumbullimit të nënshkrimeve për formimin e Qeverisë, deklaroi lideri i LSDM-së, Zoran Zaev pas takimit me euro- komisarin Johanes Han.
Ai tha se kreu i Integristëve, Ali Ahmeti deri më tani personalisht nuk i ka kërkuar kurrfarë dokumenti të shkruar, por nëse kështu ka vendosur, do ta ketë.
“Fjala është fjalë, pa marrë parasysh me gojë apo me shkrim. Por, dua të përkujtoj se kur negocionte me VMRO DPMNE-në, ai Gruevskit asgjë si ka kërkuar me shkrim” tha Zaevi.
Kreu i LSDM-së, pas takimit me Hanin tha se euro- komisari ka konsideruar se duhet sa më shpejtë të formohet qeveri. Zaevi shtoi se është i gatshëm të bisedoj me të gjitha partitë shqiptare dhe se ka qëndrim pozitiv ndaj platformës.
Qëndrimin final tha i, do ta njoftoj pasi do ta merr mandatin.
Kreu i BDI-së, Ali Ahmeti pas takimit me komisarin Han tha se presin materiale me shkrim nga LSDM që të thirrin takim të Kryesisë qendrore dhe të vendosin për hapat e mëtutjeshëm.
