Времето денеска ќе биде сончево, но студено, со умерена облачност. Во текот на денот ќе дува умерен до засилен северен ветер.
Минималната температура ќе се движи од од минус 8 до минус 2 Целзиусови степени, а максималната од минус 2 до 5 степени.
Во Скопје и во околината ќе преовладува слично време со температура до 3 Целзиусови степени.
Најниска температура утринава беше измерена во Маврово, минус 12 Целзиусови степени, а највисоката во Гевгелија, 1 Целзиусов степен. Во Лазарополе и во Крушево температурата изнесувала минус 9 Целзиусови степени, во Ѓуриште минус 8 степени, во Пожаране минус 7, Тополчани минус 6, Берово и Крива Паланка минус 5 степени, во Дебар, Прилеп и во Претор минус 4, во Битола, Куманово и Охрид минус 3, во Петровец, Штип, Виница, Демир Капија и Тетово минус 2, во Скопје и во Струмица минус 1 Целзиусов степен, во Дојран нула и во Гевгелија 1 степен.
Најмногу снег има наврнато во Маврово, 24 сантиметри, во Демир Капија – 16 сантиметри, во Крива Паланка е 15 сантиметри, во Берово и во Тополчани – 14, во Ѓуриште – 13, во Крушево и во Битола – 9 сантиметри, во Штип – 8, во Лазарополе и во Виница – 6, во Прилеп и во Пожаране – 4, во Претор – 3 и во Струмица – 1 сантиметар.
Од УХМР најавуваат дека во следните денови нè очекува особено ниска утринска температура, која на повисоките места ќе се спушти и под минус 10 Целзиусови степени.
