Поради неповолната временска состојба, која предизвика низа проблеми во системот за снабдувањето со електрична енергија во Охридско, седницата на Советот на Општина Охрид, која требаше да се одржи денеска, е презакажана за утре во 10 часот.
На оваа седница советниците ќе расправаат за предлог-одлуките за развојните програми и за буџетот за 2015 година.
Исто така, на дневен ред на седницата ќе се најдат и предлог-одлуката за измена и за дополнување на одлуката за начинот и поблиските критериуми за доделување финансиска поддршка на домашни и на странски авиопревозници, како и програмите за работа на јавните претпријатија и неколку точки од сферата на урбанизмот.
