Словенија го откажа прифаќањето на 300 мигранти за кои вчера попладне било предвидено да влезат од Хрватска преку граничниот премин Брегана-Обрежје, и со тоа го заврши приемот на мигранти, објави словенечката полиција.
Во текот на вчерашниот ден, во Словенија влегле вкупно 2.100 мигранти, а во моментов повеќе од 2.300 чекаат да заминат во Австрија во прифатните центри Шентиљ и Горен Радгон, на самата граница, јавуваат хрватските медиуми.
Државниот секретар во словенечкото МВР, Боштјан Шефиц, вчера изјави дека Словенија засега нема да ги прима мигрантите што доаѓаат со возови.
