Словачкиот премиер Роберт Фицо денеска соопшти дека официјална Братислава ќе испрати 25 полицајци што ќе ѝ помагаат на Македонија да ја обезбедува границата во ситуацијата на засилен протек на мигранти кон Европската унија.
– Словачката влада, која идната недела ќе го одобри испраќањето полициски службеници во Македонија од февруари, веројатно ќе ја продолжи и мисијата од 20 лица во Словенија – рече Фицо, додавајќи дека се подготвени да им помогнат и на други земји.
Словачка досега има испратено 50 полициски службеници во Унгарија за справување со бегалската криза.
