Тетовската полиција поднела кривична пријава против И.З. (26) од селото Боговиње, осомничен за лажно пријавување кривично дело.
Како што информираат од полицијата, осомничениот на 22 декември минатата година, во полиција пријавил кражба на златен накит, вреден 15.000 евра, од куќата на неговиот татко, која претходно самиот ја извршил.
Според полицијата, И.З. истиот ден, во периодот меѓу 19 и 21.30 часот, откако најблиските заминале на гости кај роднина, со клуч ја отворил влезната врата од куќата и од кујната го зел златниот накит и заминал.
Мотив за кражбата, според полицијата, биле финансиски проблеми во кои се нашол осомничениот.
