Школата за млади лидери на која ќе учествуваат 45 учесници ќе започне денеска и ќе трае до 26 август во Охрид.
Покрај претседателот Ѓорге Иванов на чија што иницијатива се одржува седмата по ред Школа за млади лидери, на свеченото отворање ќе се обратат и Петар Стојанов, поранешен претседател на Република Бугарија, Исмаил Серагелдин, директор на Александриската библиотека и други високи претставници.
Најавено е учеството на триесетина предавачи од врвни образовни и професионални институции од Македонија, ЕУ, САД, Австралија и Египет.
Предавачи, меѓу другите се и претседателот на Латвија, Ваира Вике-Фреиберга, градоначалникот на Солун, Јанис Бутарис, директорот на Евроконтрол, Франк Бренер, потоа Дејвид Голдсмит, еден од водечките светски бизнис предвидувачи и експерт за менаџмент и лидерство и други.
Во изминатите шест години на школата учествуваа 240 млади лица.
