Курдските сили во Ирак вчера освоиле неколку села кај Мосул, кој се уште е под контрола на ОД и подготвуваат офанзива на ова најголемо упориште на исламските милитанти во Ирак.

Офанзивата почнала во недела, со воздушна поддршка од коалицијата предводена од САД.

Силите на курдските борци и ирачките власти го опколиле Мосул, пред почетокот на офанзивата на овој втор по големина град во Ирак, кој исламските милитанти го освоија пред две години.

Неименуван курдски командант рекол дека во операцијата учествувале повеќе од 5.000 борци и оти се водат жестоки борби.

Силите на ирачката влада настојуваат да стигнат до Мосил од јужниот дел на градот.