Шиитската милиција која ја поддржува Иран, соопшти дека целосно го опколила Мосул, упориштето на Исламска држава во Ирак, со што, како што се наведува, милитантите во градот се отсечени од остатокот од Ирак и од Сирија.

Во меѓувреме, ирачката војска соопшти дека меѓународната коалиција предводена од САД со воздушните напади извршени утринава, ја онеспособила четвртата бригада, позиционирана од другата страна на реката Тигар и во Мосул.

Со тоа, милитантите на Исламска држава остануваат само со една бригада која можат да ја користат како линија за снабдување меѓу двете страни во градот.