Пожарот кој избувна во селото Дрипчево во општината Харманли на југоистокот на Бугарија, се шири. Локалните власти најавуваат дополнително ангажирање луѓе за негово гаснење.
Освен шест противпожарни и три шумски возила, денеска ќе биде ангажирана и војската, соопшти локалната противпожарна единица во градот Хасков.
Во гаснењето ќе биде вклучена и механизација на термоелектраната „Марица-исток“, како и противпожарната единица на Пловдив.
Во пожарот досега изгореле 3.500 хектари шума, но засега нема опасност за локалното население.
