„Штетите што ВМРО-ДПМНЕ им ги нанесе на земјоделците веќе се поправаат. Земјоделците ќе бидат ценети и вреднувани“, се вели во реакцијата на СДСМ, на денешната прес-конференција на Ванчо Костадиновски од ВМРО-ДПМНЕ.
„Уште во првите денови Владата предводена од СДСМ покажа дека земјоделците се приоритет и им ги исплати субвенциите што доцнеа, со што почна да ги поправа штетите што ВМРО-ДПМНЕ им ги нанесе на земјоделците во изминатите 11 години. Субвенциите повеќе нема да се делат по партиска линија, нема да има богатење на лажни земјоделци ниту, пак, ќе има закани и уцени кон вистинските земјоделци како што тоа 11 години го правеше ВМРО-ДПМНЕ“, велат од СДСМ.
Од партијата додаваат дека новата влада ќе работи на зголемување на животниот стандард на земјоделците, како и на сите други граѓани.
