fbpx

Руските напади во Украина повторно однесоа жртви

Во текот на ноќта, украинските одбранбени сили уништиле 11 од вкупно 17-те лансирани руски јуришни дронови од иранско производство Шахид-136/131

-

Нападите на руските агресорски сили во Украина во изминатово деноноќие повторно однесоа жртви. Се напаѓало од воздух и од земја, со артилерија, при што настрадале цивили и граѓанска инфраструктура, јавува украинската државна новинска агенција ukrinform.net.

Југозападниот голем пристанишен град Одеса ноќеска бил нападнат со руски дронови, при што е оштетена цивилна инфраструктура. Оштетени биле и недовршени станбени згради, како и постоечки и една установа за деца.

Во регионот Херсон биле извршени 60 руски напади, при што тројца цивили се повредени. Станувало збор за артилериски и воздушни напади, со вкупно 233 гранати и бомби. На градот Херсон биле истрелани или пуштени 33 експлозивни полнежи.

Во текот на ноќта, украинските одбранбени сили уништиле 11 од вкупно 17-те лансирани руски јуришни дронови од иранско производство Шахид-136/131.

Во руски напад на градот Миколаив во регионот Донецк била погодена спортска сала, но за среќа, нема повредени.

Според извештајот на Генералштабот на украинските вооружени сили, во текот на изминатово деноноќие, Украинците успешно неутрализирале 910 руски војници.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

За прв пат во земјава е регистрирана епидемија на ХИВ кај одредена популациона група

Според резултатите од последното истражување од 2018 година, кај мажите кои имаат секс со мажи во Скопје, проценетата преваленца е 5,4 отсто, што значи дека во РСМ за прв...