Претседателот на Русија, Владимир Путин, денеска повика на обновување на односите со Европската Унија, истакнувајќи дека ЕУ и понатаму е клучен трговски партнер на Москва.
– Русија е подготвена да се најде на половина пат со Европа, но во прашање не е еднонасочен сообраќај. Треба да ја вратиме довербата во руско-европските односи и да го обновиме нивото на интеракција – рече Путин на Меѓународниот економски форум во Санкт Петербург.
Путин предложи почеток на преговорите со ЕУ за техничка соработка, додавајќи дека неодамнешните средби со претставници на германски и на француски бизнис-кругови покажале дека европските деловни лидери сакаат да соработуваат со Русија.
