Рускиот претседател Владимир Путин денеска ќе отпатува во Ватикан на средба со шефот на Римокатоличката црква, папата Франциск, со кој ќе разговара за голем број прашања – од ситуацијата во Украина, па сè до ситуацијата на Блискиот Исток, изјави денеска советникот на рускиот претседател, Јуриј Ушаков.
– Двајцата официјални претставници ќе разговараат за „голем број билатерални и меѓународни прашања, особено за ситуацијата во Украина, фокусирајќи се на меѓуверските односи и на активностите на украинските католици. Се разбира, тие ќе разговараат и за ситуацијата на христијаните на Блискиот Исток и за потребата да се заштитат нивните интереси – изјави Ушаков.
Советник на рускиот претседател, исто така, рече дека не верува оти ќе се разговара за можната посета на папата Франциск на Русија затоа што тоа не е само државно прашање, туку и прашање за руската црква.
Ушаков, исто така, потсети дека ова ќе биде втора средба на Путин со папата Френциск, со кого претходно се сретнал во ноември 2013 година.