Претседателот на Руската Федерација, Владимир Путин, денеска ги повика руските амбасадори и постојаните претставници на Русија во меѓународните организации на состанок на 30 јуни во Москва.
Путин рече дека е во директни разговори со дипломатите за „комплексно да ја процени ситуацијата во светот“.
Ваквите средби на претседателот на Русија со дипломатите станаа традиција и се одржуваат еднаш во две години.
Советувањето во Москва ќе трае неколку дена, а ќе бидат одржани неколку тркалезни маси за различни теми со политиколозите.
Руските медиуми предвидуваат дека претседателот Путин со амбасадорите ќе разговара за ситуацијата во Сирија и во Украина, како и за односите со САД и со ЕУ.