Припадниците на елитната претседателска гарда, кои минатата недела извршија државен удар во Буркина Фасо, и членовите на војската лојална на актуелната влада, потпишаа договор.
Лидерот на етничката заедница Моси, Мого Наба, рекол дека со потпишување на договорот, претседателската гарда се согласила да ја напушти улицата Угадугуа и да се врати во касарната, а припадниците на војската кои се лојални на владата да се повлечат на 50 километри од главниот град.
Припадниците на претседателската гарда кои го поддржуваат сменетиот претседател Блез Компаоре, минатата недела упаднаа на состанокот на државниот кабинет и ги приведоа како заложници привремениот претседател Мишел Кафандо и членовите на владата, неколку недели пред претседателските избори.
Движењето на гардистите ќе им биде ограничено во нивната база, а ќе мораат да направат и попис на оружјето во рок од 72 часа.
Францускиот претседател Франсоа Оланд побара сите кои се вклучени во пучот, веднаш да го положат оружјето и да ја предадат власта на легитимните власти или ќе се соочат со последици.
