fbpx

„Пуч“ и „бомбите“ го приземјија Груевски

-

По прес-конференцијата на премиерот Никола Груевски, која се одржа на 31 јануари 2015 година, кога и ја најави аферата „Пуч“, целото внимание на Владата, но и на нејзиниот прв човек, се насочи повеќе кон внатредржавните случувања.

На сметка на тоа, пак, почна да заостанува агендата од надворешната политика. Проретчија патувањата на Груевски, а се намалија и посетите на странски државници во земјава.

Македонскиот премиер од 31 јануари до денеска имал само една средба со премиер (Александар Вучиќ) и две средби со функционери на странски дражави (Србија, Хрватска), со генералниот секретар на НАТО, Јенс Столтенберг, и со претседателот на Европската народна партија, Жозеф Дол.

Еве каде сè Груевски бил и кој сè му дошол:

  • 1 февруари 2015 година  По прес-конференцијата што го измени текот на политиките во Македонија, премиерот беше во посета на поплавените подрачја по дождот што ја зафати Македонија;
  • 9 февруари 2015 година – Се сретна со министерот за одбрана на Хрватска, Анте Котромановиќ;
  • 12 февруари 2015 година – Ја прими претседателката на Собранието на Република Србија, Маја Гојковиќ;
  • 16 февруари 2015 година – По заедничката владина седница на владите на Република Македонија и на Република Србија, се потпишаа договори, а заедничка прес-конференција имаа и премиерите Никола Груевски и Александар Вучиќ;
  • 11 март 2015 година – Средба со генералниот секретар на НАТО, Јенс Столтенберг, во Брисел;
  • 18 март 2015 година – Со владина делегација ги преставуваше инвестициските можности на Македонија пред бизнисмените во Хаг, Холандија;
  • 19 март 2015 година – Во својство на лидер на партија, се сретна со првиот човек на најголемата Европска народна партија (ЕПП), Жозеф Дол, во Брисел, а присустуваше и на Самиот на Европски народни партии.

Се појавија најави дека Груевски на Самитот на ЕПП ќе има средба и со германската канцеларка и шефицата на сестринската ЦДУ, Ангела Меркел, но до таа средба не дојде.

Средбата помеѓу Груевски и Дол е последната билатерална средба на премиерот со висок функционер во странство. Во меѓувреме, ВМРО-ДПМНЕ одржа три народни собири, на кои говореше премиерот.

Дел од овие средби кои Груевски ги остварил по најавата на аферата „Пуч“ се поврзани и со таа проблематика, како, на пример, краткиот состанок со генералниот секретар на НАТО, Јенс Столтенберг, и со претседателот на ЕПП, Жозеф Дол. Оттаму, македонскиот премиер од 31 јануари до денеска имал само една средба со премиер (Александар Вучиќ) и две средби со функционери на странски дражави (Србија, Хрватска).

Аферата „Пуч“ очигледно ја намали агендата на надворешната политика, а речиси цели два месеци сите случувања се поврзуваат со внатрешно-политичките настани.

За разлика од годинава, во истиот период лани, односно во февруари и во март, тој имал значително повеќе посети на странски држави, но и на странски државници на Македнија иако февруари и март минатата година беа резервирани за набиена предизборна агенда на владејачката партија и на премиерот. Од 1 март 2014 година, премиерот речиси секојдневно беше на отворање на нови градби и на промовирање проекти.

Сепак, и во така збиена предизборна агенда, тој имал речиси тројно повеќе посети отколку годинава, откако изби аферата „Пуч“ и опозицијата почна да ги објавува „бомбите“.

  •  11 февруари 2014 година – Средба Груевски – Макино, заменик-министер за надворешни работи на Јапонија во Скопје;
  • 11 февруари 2014 година – Средба со Дуња Мијатовиќ, претставнчка на ОБСЕ за медиуми;
  • 13 февруари 2014 година – Средба со Ричард Ховит, известувач за Македонија во Европскиот парламент;
  • 18 февруари 2014 година – Во работна посета на Австрија и на Германија. Се сретна со канцеларот на Австрија, Вернер Фајман;
  • 20 февруари 2014 година – Средба со заменик-претседателот на владата на Грција, Евангелос Венизелос;
  • 25 февруари 2014 година – Средба со британски парламентарци во Лондон;
  • 27 февруари 2014 година – На Бизнис-форум во Штутгарт;
  • 5 март 2014 година – Средба со кардиолози од Сиетл;
  • 6 март 2014 година – На ЕПП-конгрес во Даблин;
  • 14 март 2014 година – Средба со реномирани италијански кардиохирурзи;
  • 20 март 2014 година – Посета на елитната бриселска болница „Едит Кавел“;
  • 20 март 2014 година – Почеток на предизборната кампања за предвремените парламентарни избори.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Податочните центри во Ирска потрошиле повеќе струја од сите домаќинства заедно

Податочните центри во Ирска потрошиле повеќе струја од сите домаќинства во државата заедно, пренесува Гардијан. Според Државниот завод за статистика на Ирска, податочните центри искористиле 21 отсто од електричната енергија...