По неколку часови неуспешни преговори со киднаперите, вооружени специјалци упаднале во судот во Истанбул и го ослободиле обвинителот Селим Кираз, кој беше киднапиран од припадници на левичарската турска група ДХКП/Ц.
Обвинителот со сериозни повреди е пренесен во болница, а киднаперите се застрелани.
Обвинителот ја води истрагата за 15-годишниот Беркин Елван, кој почина минатата година во март, по девет месеци кома. Елван доби тешки повреди за време на минатогодишните антивладини протести.
