Во Македонија досега со вакцина против сезонски грип се вакцинирани вкупно 25.580 лица и потрошени се исто толку вакцини, од вкупно набавените 26.650, соопштија од Инстиутот за јавно здравје.
Најголем број, 20.091 или 77,6 проценти од вакцинираните лица, се припадници на ризичните групи (повозрасни од 65 години и на возраст до 64 години со историја на некое хронично заболување), во возрасната група од 18-64 години без историјат на хронични заболувања, вакцинирани се 4.999 лица, 715 припаѓаат на категоријата здравствени работници, 62 лице се на возраст од 10-18 години без хронични заболувања и 13 се деца на возраст од 24 месеци до 9 години. Нема вакцинирани бремени жени и деца од 6-23 месеци старост.
Најголем број вакцинирани лица се на територијата на ЦЈЗ Скопје – 5.089, ЦЈЗ Битола – 2.177, во ЦЈЗ Тетово – 1.989, ЦЈЗ Прилеп – 1.612, ЦЈЗ Охрид – 1.370, во ЦЈЗ Куманово – 1.226 и во ЦЈЗ Струмица – 1.135 лица.