Неколку илјади демонстранти што протестираа поради одлуката на претседателот Ѓорге Иванов да аболира лица осомничени за криминал, по едночасовно скандирање „Оставка“ и „Кого браните“ во близина на седиштето на ВМРО-ДПМНЕ, мирно го завршија денешниот протест.
Приодот кон седиштето на ВМРО-ДПМНЕ, кај зградата Палома бјанка, беше блокиран од полициски кордон. Демонстрантите освен скандирањата пееја: „Целата фамилија, држава растурија, крвници, убијци, ајде в затвор Груевци“, „Излези Хорхе право на тераса, да ја видиш граѓанската маса, со кренати раце, високо горе, бараме оставки, секој ден на протест“.
Пoрaки дo претседaтелoт #Прoтестирaм pic.twitter.com/9E2aJ285P6
— META.mk (@meta_agency) April 16, 2016
Протестот почна во 18 часот пред Специјалното јавно обвинителство, од каде демонстрантите се упатија пред Собранието. Таму, тие ги повторија четирите барања: повлекување на одлуката за помилување политичари-криминалци, неотповиклива оставка на претседателот Иванов, формирање експертска влада и имплементирање на препораките од извештајот на Прибе за организирање фер и демократски избори.
Демонстрантите потоа се упатија кон Порта „Македонија“, каде фрлајќи со боја и јајца ја обоија фасадата. Кога демонстрантите сакаа да испишат графит со порака на портата, се појави лице кое физички нападна една демонстрантка. Во тој момент ситуацијата стана тензична. Демонстрантите се пуштија кон напаѓачот, кој се обиде да побегне во ГТЦ. По кратката брканица, успеаја да го стигнат. Атмосферата стана уште потензична, но по краткото препирање, сепак надвладеа разумот. За време на инцидентот, немаше ниту еден полицаец во близина.
Повторно обоена Триумафална капија #протестирам #п pic.twitter.com/yVaCZSJO3Z
— META.mk (@meta_agency) April 16, 2016
Обоена Триумфална капија #протестирам #п pic.twitter.com/Ansn3D5hJz
— META.mk (@meta_agency) April 16, 2016
По инцидентот, демонстрантите се упатија пред Владата, каде повторно со извици и со свирежи ги изнесоа своите барања, а потоа продолжија кон седиштето на владејачката партија, каде и го завршија протестот, најавувајќи дека ќе продолжат да се собираат сè додека не се исполнат нивните барања.
Грaѓaните пред Влaдa извикувaaт Уa лoпoви #Прoтестирaм pic.twitter.com/FqIA4gtkr3
— META.mk (@meta_agency) April 16, 2016
