Времето денеска ќе биде сончево со мала до умерена облачност. Во северните и во западните делови на земјата ќе биде променливо облачно, а попладне се очекува појава на локален пороен дожд и на грмежи. Ќе дува слаб до умерен ветер од западен правец, а кон крајот на денот од северозападен правец.
Минималната температура ќе се движи од 12 до 20 Целзиусови степени, а дневната од 27 до 35 степени. УВ-индексот ќе изнесува 7.
Во Скопје и во околината ќе биде променливо облачно со сончеви периоди, попладне со услови за локален дожд и со појава на грмежи. Ќе дува слаб до умерен северозападен ветер.
Температурата ќе се движи од 18 до 31 Целзииусов степен.
Утре, во попладневните часови, ќе дојде до зголемување на облачноста, а на повеќе места и до појава на пороен дожд и грмежи. Врнежи се очекуваат во западните и во северните делови. Повремено ќе дува засилен ветер од северозападен правец, а дневната температура дополнително ќе се намали и во најголем дел од земјава ќе биде под 30 Целзиусови степени. Од петок се очекува стабилизација на временските услови и повторен пораст на дневната температура на воздухот.
