Српската влада денеска прогласи вонредна состојба поради поплавите во 15 општини во земјата.
Како што соопшти српското МВР, со поплавите, кои се последица на поројните дождови и на излевањето на реките, погодени се околу 710 домаќинства, а уште 500 се загрозени.
Досега се евакуирани 118 лица од поплавени објекти.
Српските медиуми јавуваат дека надојдените реки однеле неколку моста и оти многу домаќинства се без струја поради поплавите.