Вчера, во 22.30 часот, во струшкото село Лабуништа, во дворот од семејната куќа, С.А., откако слушнала звук, најверојатно од истрел од огнено оружје, се пожалила на болка во главата бидејќи нешто силно ја удрило.
Кога се допрела на главата, забележала крв, а кога станала од столот на кој седела, од неа паднал и проектилот со кој била погодена.
На жената ѝ е укажана лекарска помош во Медицинскиот центар во Струга, каде се констатирани телесни повреди, по што е пуштена на домашно лекување.
Увид на местото извршила екипа од полициската станица од Струга.