Иранскиот претседател, Хасан Рохани, предупреди дека продолжување на воената акција на САД против силите на сирискиот претседател Башар ал Асад ќе биде „особено опасно“ за регионот.
Рохани, чија земја заедно со Русија е главен сојузник на Асад, повтори дека го осудува американскиот воздушен напад, кој беше одговор на хемискиот напад во провинцијата Идлиб и побара меѓународна истрага за овој инцидент.
Русија и Асад тврдат дека владините воздушни напади погодиле складиште со хемиско оружје, кое е под контрола на бунтовниците, тврдење кои за официјален Вашингтон е неверојатно.