Во соработка со Министерството за здравство, Општата болница во Струга постави модуларен ковид центар.
Велешки „Брако“ и валандовската „Ари и Том“ се фирмите што ги градат модуларните болници во 17 општини низ земјава, со нешто помалку од 3,5 милиони евра, заем од Светска банка.
Според најавите, монтажните болници во Куманово, Струмица, Гевгелија и Струга треба да бидат готови деновиве, а трошоците за една болница изнесуваат околу 200.000 евра.
Од општата болница Струга апелираат до граѓаните да ги почитуваат протоколите за заштита од ковид-19 и да останат безбедни.
Според последните информации од Министерството за здравство, во Струга вчера имало 343 активни случаи на ковид-19, додека во ковид-центарот во Општата болница во Струга биле хоспитализирани 36 болни лица од ковид-19.
