Судија на претходна постапка од струшкиот основен суд му одредил мерка притвор на 23-годишниот стружанец осомничен за убиството на заменик-директорот на Упрвата за јавни приходи (УЈП), Аргетим Асани (42), кое се случи викендов.
Од Обвинителството информираат дека се прибираат докази за расветлување на убиството.
„Надлежен јавен обвинител од Основното јавно обвинителство Струга ги презеде потребните дејства за расветлување на вооружениот напад, кој се случи во Струга, по кој животот го загуби едно лице. Издадени се наредби за вештачење на оружјето, трагите од местото на настаот, за вршење обдукција над починатиот, за прибирање докази и факти за расветлување на убиството. Осомничен за нападот е 23-годишен стружанец, на кој по предлог на надлежниот обвинител му е определена мерка притвор од судија на претходна постапка при Основниот суд Струга“, стои во соопштението на Обвинителството.
