fbpx

Премиерот Спасовски сведочеше за настаните поврзани со упадот во Собранието на 27 април

-

Премиерот Оливер Спасовски денеска по втор пат сведочеше за случувањата поврзани со упадот во Собранието на 27 април 2017 година во судскиот процес против организаторите на „крвавиот четврток“. Актуелниот премиер Спасовски во судницата се соочи со поранешниот собраниски спикер Трајко Вељаноски, кој е еден од обвинетите во судскиот случај.

Спасовски сведочеше дека на 27 април дал предлог и побарал пратениците да преминат на разгледување на следната точка од дневниот ред, која што се однесувала на изборот на Претседател на Собранието. За ова имал поддршка од над 10 пратеници. Во ваков случај, изјави Спасовски, собранискиот спикер според деловникот морал да го стави таквиот предлог на гласање. Оливер Спасовски изјави дека тогашниот спикер Вељаноски не прифатил промена на дневниот ред.

За разлика од претходното сведочење на актуелниот технички премиер во судскиот процес за извршителите на упадот во Собранието, исказот на Спасовски денеска беше пократок.

На денешното рочиште сведочеше и Антонио Кочков, кој изјави дека 10-15 пати учествувал на протестите организирани од здружението „За заедничка Македонија“. Тој изјави дека не бил присутен во моментот кога се случил упадот во Собранието, но подоцна дошол во собраниската зграда. Кочков изјави дека преку комуникација на „Вибер“, членови на партијата ВМРО-ДПМНЕ добивале насоки за протестите на здружението „За заедничка Македонија“.

На поставеното прашање кој ги давал насоките, сведокот изјави дека не бил во повисоките кругови за да знае за кого се работи. Кочков појасни дека не знае дали ВМРО-ДПМНЕ ги организирала протестите, но знае дека партијата јавно ги поддржувала истите.

Во судскиот процес за организација на упадот во Собранието на 27 април се обвинети поранешниот собраниски спикер Трајко Вељаноски, екс министрите Спиро Ристоски и Миле Јанакиески, како и тогашниот директор на УБК, Владимир Атанасовски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

За еден ден, две жени од Скопје нападнати од своите партнери

Два случаја во кои жени од Скопје се нападнати од своите партнери се регистрирани во полицискиот билтен во текот на вчерашниот ден. Околу 18 часот и 30 минути вчера, во...