Пратениците во Собранието на Република Македонија денеска, на 41. седница, ќе ги разгледуваат предлог-законите за измени и за дополнување на Законот за игрите на среќа и за забавните игри, за измени на Законот за продажба на земјоделското земјиште во државна сопственост, како и измени и дополнување на Законот за здравственото осигурување во прво читање.
На прво читање пред пртениците во Собранието ќе се најдат и предлог-законот за изменување и за дополнување на Законот за патните исправи на државјаните на Република Македонија, предлог-законот за измени и дополнување на Законот за Судскиот совет на Република Македонија, како и предлог-законот за јавнообвинителска служба.